នារសៀលថ្ងៃអង្គារ ១១ កើត ខែចេត្រ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៨​ ខែមេសា ឆ្នាំ ២០២៥ នៅវិទ្យាស្ថានសេដ្ឋកិច្ចនិងហិរញ្ញតវត្ថុ មានរៀបចំកិច្ចប្រជុំពិភាក្សា​និងប្រមូលធាតុចូល​ម្រាប់ការអភិវឌ្ឍប្រព័ន្ធបណ្តុះបណ្តាលឌីជីថល​ (LMS) សម្រាប់មជ្ឈមណ្ឌលបណ្តុះបណ្តាលឌីជីថលរបស់វិទ្យាស្ថានសេដ្ឋកិច្ច​ និង​ ហិរញ្ញវត្ថុ ដែលកិច្ចប្រជុំនេះដឹកនាំដោយ លោកនាយករង​ ប៊ុន​ ឆាយ​ តំណាងដ៏ខ្ពង់ខ្ពស់​ ឯកឧត្តមនាយកវិទ្យាសា្ថន និងមានការចូលរួម ពី​លោកប្រធាននាយកដ្ឋាន លោក​ លោកស្រីប្រធានការិយាល័យ អនុប្រធានការិយាល័យ មន្ត្រីរាជការ និងបុគ្គលិកក្រោមឱវាទ នៃវិទ្យាស្ថានសេដ្ឋកិច្ច និង ហិរញ្ញវត្ថុ និង​ មានការធ្វេីបទបង្ហាញ​ និង​ Demo ពីការប្រេីប្រាស់​ប្រព័ន្ធបណ្តុះបណ្តាលឌីជីថល​ពីអ្នកជំនាញបច្ចេកទេស​ មកពីវិទ្យាស្ថានបច្ចេកវិទ្យាកម្ពុជា​ ITC ដែលបាននិងកំពុងអភិវឌ្ឍ ។ កិច្ចប្រជុំនេះរៀបចំឡេីងក្នុងគោលបំណង​ ដើម្បីពិនិត្យ​ពីវឌ្ឍនភាពនៃការអភិវឌ្ឍប្រព័ន្ធ​ និង​ ពិភាក្សា​ប្រមូលធាតុចូលបន្ថែមសម្រាប់កែលម្អ​ និងអភិវឌ្ឍប្រព័ន្ធបណ្តុះបណ្តាលឌីជីថលនេះ​ ឱ្យប្រព្រឹត្តទៅបានដោយប្រសិទ្ធភាព​ និងកាន់តែគ្រប់ជ្រុងជ្រោយបន្ថែមទៀត​ ។