គេហទំព័រដើម » សេចក្តីប្រកាសព័ត៌មាន » កិច្ចប្រជុំពិភាក្សាលើការកែសម្រួលសេចក្តីព្រាង “យុទ្ធសាស្ត្ររាជរដ្ឋាភិបាល នីតិកាលទី ៧ នៃរដ្ឋសភា”
- admin
- July 31, 2023
- 3:45 pm
![1](https://efi.mef.gov.kh/wp-content/uploads/2023/09/1-6-768x512.jpg)
![2](https://efi.mef.gov.kh/wp-content/uploads/2023/09/2-5-768x512.jpg)
![3](https://efi.mef.gov.kh/wp-content/uploads/2023/09/3-5-768x512.jpg)
![4](https://efi.mef.gov.kh/wp-content/uploads/2023/09/4-5-768x512.jpg)
![5](https://efi.mef.gov.kh/wp-content/uploads/2023/09/5-5-768x512.jpg)
![6](https://efi.mef.gov.kh/wp-content/uploads/2023/09/6-5-768x512.jpg)
![7](https://efi.mef.gov.kh/wp-content/uploads/2023/09/7-5-768x512.jpg)
![8](https://efi.mef.gov.kh/wp-content/uploads/2023/09/8-5-768x512.jpg)
![9](https://efi.mef.gov.kh/wp-content/uploads/2023/09/9-4-768x512.jpg)
![10](https://efi.mef.gov.kh/wp-content/uploads/2023/09/10-4-768x512.jpg)
![11](https://efi.mef.gov.kh/wp-content/uploads/2023/09/11-4-768x512.jpg)
![12](https://efi.mef.gov.kh/wp-content/uploads/2023/09/12-4-768x512.jpg)
កិច្ចប្រជុំពិភាក្សាលើការកែសម្រួលសេចក្តីព្រាង "យុទ្ធសាស្ត្ររាជរដ្ឋាភិបាល នីតិកាលទី ៧ នៃរដ្ឋសភា"
នារសៀលថ្ងៃទី ៣១ ខែ កក្កដា ឆ្នាំ ២០២៣, ឧត្តមក្រុមប្រឹក្សាសេដ្ឋកិច្ចជាតិ (កបស) បានដឹកនាំកិច្ចប្រជុំពិភាក្សាលើការកែសម្រួលសេចក្តីព្រាង “យុទ្ធសាស្ត្ររាជរដ្ឋាភិបាល នីតិកាលទី ៧ នៃរដ្ឋសភា” ។
កិច្ចប្រជុំនេះ បានប្រព្រឹត្តទៅក្រោមការដឹកនាំដោយ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋមន្រ្តីប្រតិភូអមនាយករដ្ឋមន្ត្រី, អនុប្រធានប្រចាំការ កបស និង ជាប្រធានក្រុមការងារដឹកនាំរៀបចំ គោលនយោបាយ និង យុទ្ធសាស្ត្រ រាជរដ្ឋាភិបាល នីតិកាលទី ៧ នៃរដ្ឋសភា ដោយមានការអញ្ជើញចូលរួមពី ឯកឧត្តម លោកជំទាវ ដែលជាសមាជិក ទីប្រឹក្សា និង ថ្នាក់ដឹកនាំអគ្គលេខាធិការដ្ឋាន កបស ។
គោលបំណងសំខាន់នៃកិច្ចប្រជុំនេះ គឺដើម្បីពិនិត្យវឌ្ឍនភាពនៃការរៀបចំការងារបកប្រែពីភាសាខ្មែរ ទៅ ភាសាអង់គ្លេស របស់ “កម្មវិធីនយោបាយ” និង “យុទ្ធសាស្ត្ររាជរដ្ឋាភិបាល នីតិកាលទី ៧ នៃរដ្ឋសភា” ។
អង្គប្រជុំ បានឯកភាពជាគោលការណ៍លើខ្លឹមសារ នៃឯកសារដែលត្រូវបានបកប្រែដោយក្រុមការងារបច្ចេកទេស និង បានឯកភាពក្នុងការបន្តពិនិត្យលម្អិតបន្ថែមទៀត ដើម្បីធានាឱ្យបាននូវសង្គតិភាព ភាពច្បាស់លាស់ និង គ្រប់ជ្រុងជ្រោយ សំដៅឈានទៅបញ្ចប់ឯកសារបកប្រែដ៏មានសារៈសំខាន់នេះ ឱ្យបានទាន់ពេលវេលាតាមផែនការដែលបានគ្រោងទុក ៕