នាថ្ងៃទី ១៨​ ខែ តុលា ឆ្នាំ ២០១៩ នៅសណ្ឋាគារ​ ខេមរាបាត់ដំបង​ ១​ ខេត្តបាត់ដំបង មានរៀបចំពិធីបិទសិក្ខាសាលាបណ្ដុះបណ្ដាលស្ដីពី នីតិវិធីរៀបចំនិងអនុវត្តថវិកាសម្រាប់រដ្ឋបាលក្រុង ស្រុក ខណ្ឌ ជូនមន្ត្រីរាជការរបស់រដ្ឋបាលក្រុង ស្រុក នៃខេត្តចំនួន ៤ គឺ ខេត្តបាត់ដំបង​ ខេត្តកំពង់ឆ្នាំង​ ខេត្តប៉ៃលិន​ និងខេត្តពោធិ៍សាត់ មានសិក្ខាកាមចូលរួមសរុបចំនួន ១៣៦​ នាក់ ។ ពិធីបិទសិក្ខាសាលាបណ្ដុះបណ្ដាលនេះ បានប្រព្រឹត្តទៅក្រោមសហអធិបតីភាព ឯកឧត្តម​ ហ៊ីង​ ច័ន្ទបូរ៉ា​ អគ្គនាយករង នៃអគ្គនាយកដ្ឋានហិរញ្ញវត្ថុរដ្ឋបាលថ្នាក់ក្រោមជាតិ នៃក្រសួងសេដ្ឋកិច្ចនិងហិរញ្ញវត្ថុ និង លោក យូ​ ទី នាយករងវិទ្យាស្ថានសេដ្ឋកិច្ចនិងហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ ។ សិក្ខាសាលាបណ្ដុះបណ្ដាលនេះ មានរយៈពេល ៣ ថ្ងៃ គឺបានចាប់ផ្ដើមពីថ្ងៃទី ១៦​ ដល់ថ្ងៃទី ១៩​ ខែ តុលា ឆ្នាំ ២០១៩ ។