1

Oct, 2021

របៀបដាក់ពាក្យសុំចុះឈ្មោះចូលបម្រើការងារនៅអគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ចនិងហិរញ្ញវត្ថុ

By: | Tags: | Comments: 0

របៀបដាក់ពាក្យសុំចុះឈ្មោះចូលបម្រើការងារនៅអគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ចនិងហិរញ្ញវត្ថុ 👉ចុចទីនេះដេីម្បីចុះឈ្មោះ 👉ចុចទីនេះដើម្បីទាញយករបៀបចុះឈ្មោះ Online

READ MORE

28

Sep, 2021

សេចក្ដីជូនដំណឹងស្ដីពីការប្រឡងប្រជែងជ្រើសរើសបេក្ខជនជាមន្ត្រីរាជការឱ្យចូលបម្រើការងារនៅអគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ចនិងហិរញ្ញវត្

By: | Tags: | Comments: 0

សេចក្ដីជូនដំណឹងស្ដីពីការប្រឡងប្រជែងជ្រើសរើសបេក្ខជនជាមន្ត្រីរាជការឱ្យចូលបម្រើការងារនៅអគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ចនិងហិរញ្ញវត្ថុ 👉ចុចទីនេះ​ដេីម្បីទាញយកឯកសារ PDF​  

READ MORE

20

Sep, 2021

ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាពរបស់ ក្រសួងសេដ្ឋកិច្ចនិងហិរញ្ញវត្ថុ បានផ្តល់បទសម្ភាសន៍ដល់ក្រុមការងាររបស់សាលារដ្ឋបាលសាធារណៈ (Civil Service College-CSC) នៃប្រទេសសិង្ហបុរី ដែលដឹកនាំដោយលោក Roger Tan ជំនួយការនាយកប្រតិបត្តិ (អន្តរជាតិ) សាលារដ្ឋបាលសាធារណៈនៃប្រទេសសិង្ហបុរី និង លោក Benedict Cheong នាយកប្រតិបត្តិមូលនិធិតេម៉ាសេកអន្តរជាតិនៃប្រទេសសិង្ហបុរី តាមប្រព័ន្ធអនឡាញ

By: | Tags: | Comments: 0

នារសៀលថ្ងៃទី ២០ ខែ កញ្ញា ឆ្នាំ ២០២១, តាមប្រព័ន្ធអនឡាញ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាពរបស់ ក្រសួងសេដ្ឋកិច្ចនិងហិរញ្ញវត្ថុ បានផ្តល់បទសម្ភាសន៍ដល់ក្រុមការងាររបស់សាលារដ្ឋបាលសាធារណៈ (Civil Service College-CSC) នៃប្រទេសសិង្ហបុរី ដែលដឹកនាំដោយលោក Roger Tan ជំនួយការនាយកប្រតិបត្តិ (អន្តរជាតិ) សាលារដ្ឋបាលសាធារណៈនៃប្រទេសសិង្ហបុរី និង លោក Benedict Cheong នាយកប្រតិបត្តិមូលនិធិតេម៉ាសេកអន្តរជាតិនៃប្រទេសសិង្ហបុរី ។ ថ្លែងក្នុងឱកាសគម្រប់ខួបលើកទី ២០ របស់សាលារដ្ឋបាលសាធារណៈនៃប្រទេសសិង្ហបុរី, ឯកឧត្តមបណ្ឌិតសភាចារ្យ បានវាយតម្លៃខ្ពស់ចំពោះកិច្ចសហប្រតិបត្តិការក្នុងភាពជាដៃគូអន្តរជាតិ រវាង វិទ្យាស្ថានសេដ្ឋកិច្ចនិងហិរញ្ញវត្ថុ និង សាលារដ្ឋបាលសាធារណៈនៃប្រទេសសិង្ហបុរី និង បានចាត់ទុកសាលារដ្ឋបាលសាធារណៈ ជាដៃគូសហប្រតិបត្តិការអន្តរជាតិល្អបំផុត លើការរៀបចំ និង អភិវឌ្ឍសមត្ថភាពគ្រូបង្គោលរបស់វិទ្យាស្ថាន និង ការបណ្តុះបណ្តាលពង្រឹងពង្រីកសមត្ថភាពជូនមន្ត្រីរាជការរបស់ក្រសួង-ស្ថាប័ន លើការគ្រប់គ្រងថវិកាជាតិ និង អភិបាលកិច្ចល្អ ព្រមទាំងប្រធានបទសំខាន់ៗមួយចំនួនទៀត សំដៅបង្កើនសមត្ថភាព និង ពង្រឹងពង្រីកការយល់ដឹង ដើម្បីចូលរួមចំណែកអនុវត្តការកែទម្រង់ការគ្រប់គ្រងហិរញ្ញវត្ថុសាធារណៈ ឱ្យសម្រេចជោគជ័យប្រកបដោយប្រសិទ្ធភាព និង ចីរភាព ។ ឯកឧត្តមបណ្ឌិតសភាចារ្យ បានកោតសសើរចំពោះកិច្ចសហប្រតិបត្តិការយ៉ាងជិតស្និទ្ធនាពេលកន្លងមកនេះ ទោះបីក្នុងកាលៈទេសៈដ៏អាក្រក់នៃការរីករាលដាលនៃវិបត្តិជំងឺកូវីដ-១៩ យ៉ាងណាក៏ដោយ ក្រុមការងារទាំងពីរនៅតែបន្តធ្វើការជាមួយគ្នាយ៉ាងល្អ ដោយប្រែក្លាយទៅជាឱកាសថ្មីក្នុងការរៀបចំវិធីសាស្ត្របណ្តុះបណ្តាលតាមបែបទំនើបទាន់សម័យថ្មីមួយ ពីការរៀនដោយការជួបគ្រូឧទ្ទេសផ្ទាល់ ទៅជាការរៀនពីចម្ងាយតាមរយៈប្រព័ន្ធបច្ចេកវិទ្យា ជូនដល់គ្រូបង្គោល និង សិក្ខាកាមជាថ្នាក់ដឹកនាំជាន់ខ្ពស់គ្រប់ក្រសួង-ស្ថាប័ន នៃព្រះរាជាណាចក្រកម្ពុជា បានដោយជោគជ័យ និង ប្រកបដោយប្រសិទ្ធភាព ៕

READ MORE

20

Sep, 2021

ពិធីប្រកាសបើកវគ្គបណ្ដុះបណ្ដាលជាស៊េរីចំនួន ២វគ្គ ស្តីពី “នីតិវិធីគ្រប់គ្រងទ្រព្យសម្បត្តិ និង ការគ្រប់គ្រងចំណូលមិនមែនសារពើពន្ធ” សម្រាប់មន្រ្តីទទួលបន្ទុកការងារពាក់ព័ន្ធ នៃមន្ទីរអង្គភាពជំនាញ និង រដ្ឋបាលក្រុង ស្រុក នៃខេត្តស្វាយរៀង និង ខេត្តកែប តាមរយៈ Zoom Video Conference

By: | Tags: | Comments: 0

នាព្រឹកថ្ងៃច័ន្ទ ១៤កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹង ថ្ងៃទី ២០ ខែ កញ្ញា ឆ្នាំ ២០២១ វិទ្យាស្ថានសេដ្ឋកិច្ចនិងហិរញ្ញវត្ថុ សហការជាមួយអគ្គនាយកដ្ឋានទ្រព្យសម្បត្តិរដ្ឋ និង ចំណូលមិនមែនសារពើពន្ធ នៃក្រសួងសេដ្ឋកិច្ចនិងហិរញ្ញវត្ថុ រៀបចំពិធីប្រកាសបើកវគ្គបណ្ដុះបណ្ដាលជាស៊េរីចំនួន ២វគ្គ ស្តីពី “នីតិវិធីគ្រប់គ្រងទ្រព្យសម្បត្តិ និង ការគ្រប់គ្រងចំណូលមិនមែនសារពើពន្ធ” សម្រាប់មន្រ្តីទទួលបន្ទុកការងារពាក់ព័ន្ធ នៃមន្ទីរអង្គភាពជំនាញ និង រដ្ឋបាលក្រុង ស្រុក នៃខេត្តស្វាយរៀង និង ខេត្តកែប តាមរយៈ Zoom Video Conference ក្រោមអធិបតីភាពដ៏ខ្ពង់ខ្ពស់របស់ឯកឧត្តម អិន អេម នាយកវិទ្យាស្ថានសេដ្ឋកិច្ចនិងហិរញ្ញវត្ថុ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានក្រុមការងារកសាងសមត្ថភាពរបស់ក្រសួងសេដ្ឋកិច្ចនិងហិរញ្ញវត្ថុ និង មានការចូលរួមពី ឯកឧត្តមអភិបាលរង នៃគណៈអភិបាលខេត្តស្វាយរៀង និង ខេត្តកែប ឯកឧត្តមអគ្គនាយករង នៃអគ្គនាយកដ្ឋានទ្រព្យសម្បត្តិរដ្ឋ និង ចំណូលមិនមែនសារពើពន្ធ ព្រមទាំងលោកនាយករង លោក លោកស្រីប្រធានាយកដ្ឋាន អនុប្រធាននាយកដ្ឋាន ប្រធានការិយាល័យ មន្ត្រីរាជការ នៃវិទ្យាស្ថានសេដ្ឋកិច្ចនិងហិរញ្ញវត្ថុ និងគ្រូបង្គោលរបស់ក្រសួងសេដ្ឋកិច្ចនិងហិរញ្ញវត្ថុ និង សិក្ខាកាមសរុបប្រមាណ ៩៥ នាក់ ។ វគ្គបណ្តុះបណ្តាលជាស៊េរីនេះ នឹងប្រព្រឹត្តទៅតាមរយៈ Zoom Video Conference ក្រោមកិច្ចសហការរៀបចំដោយវិទ្យាស្ថានសេដ្ឋកិច្ចនិងហិរញ្ញវត្ថុ និង អគ្គនាយកដ្ឋានទ្រព្យសម្បត្តិរដ្ឋ និង ចំណូលមិនមែនសារពើពន្ធ នៃក្រសួងសេដ្ឋកិច្ចនិងហិរញ្ញវត្ថុ លើប្រធានបទស្តីពី នីតិវិធីគ្រប់គ្រងទ្រព្យសម្បត្តិរដ្ឋ និង ការគ្រប់គ្រងចំណូលមិនមែនសារពើពន្ធ ដែលបាននិងកំពុងប្រព្រឹត្តទៅតាមកាលបរិច្ឆេទដូចខាងក្រោម៖ -វគ្គទី១ : ប្រព្រឹត្តទៅពីថ្ងៃទី ២០-២១ ខែ […]

READ MORE

28

Jun, 2021

កិច្ចប្រជុំស្តីពី “វឌ្ឍនភាពការងារពាក់កណ្តាលឆ្នាំ ២០២១ ក្នុងក្របខណ្ឌនៃការអនុវត្តគម្រោង FMIS ជំហានទី៣”

By: | Tags: | Comments: 0

នាព្រឹក ថ្ងៃទី ២៨ ខែ មិថុនា ឆ្នាំ ២០២១ ក្រុមការងារគ្រប់គ្រងគម្រោងអេហ្វអឹមអាយអេស (FMIS) បានរៀបចំកិច្ចប្រជុំស្តីពី “វឌ្ឍនភាពការងារពាក់កណ្តាលឆ្នាំ ២០២១ ក្នុងក្របខណ្ឌនៃការអនុវត្តគម្រោង FMIS ជំហានទី៣” ដឹកនាំដោយឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS ក្នុងគោលបំណងតាមដាន, ត្រួតពិនិត្យវឌ្ឍនភាពការងារពាក់កណ្តាលឆ្នាំ ២០២១ និង ទិសដៅបន្តអនុវត្តគម្រោង FMIS ជំហានទី៣ ព្រមទាំងបន្តជំរុញវឌ្ឍនភាពការងារឱ្យសម្រេចបានតាមផែនការសកម្មភាព និង ដោះស្រាយនូវបញ្ហាប្រឈមដែលកំពុងជួបប្រទះ រួមទាំងផលប៉ះពាល់នៃជំងឺកូវីដ-១៩ និង បរិបទការងារពីចម្ងាយ ។ ស្ថិតក្នុងក្របខណ្ឌនៃការអនុវត្តគម្រោង FMIS ជំហានទី៣ និង ស្របតាមផែនការសកម្មភាពដែលបានដាក់ចេញឱ្យអនុវត្តក្នុងឆ្នាំ ២០២១ ក្រុមការងារគ្រប់គ្រងគម្រោង FMIS បាននិងកំពុងបន្តអនុវត្តសកម្មភាពការងារ ដើម្បីសម្រេចបានតាមសូចនាករដែលបានកំណត់ ដោយផ្តោតលើការពង្រឹង និងពង្រីកការប្រើប្រាស់ប្រព័ន្ធ FMIS ។ នៅក្នុងពាក់កណ្តាលឆ្នាំ ២០២១ នេះ ក្រុមការងារគ្រប់គ្រងគម្រោង FMIS សម្រេចបាននូវវឌ្ឍនភាពដូចជា៖ • បានពង្រីកការដាក់ឱ្យប្រើប្រាស់ប្រព័ន្ធ FMIS ជាផ្លូវការនៅអង្គភាពថវិកាអាណាប័កផ្ទេរសិទ្ធិចំនួន២ រួមមាន លេខាធិការដ្ឋានក្រុមប្រឹក្សាជាតិគាំពារសង្គម និង ឧត្តមក្រុមប្រឹក្សាសេដ្ឋកិច្ចជាតិ និង កិច្ចការត្រៀមសម្រាប់ការដ្ឋានថ្មីមួយចំនួនដូចជា រដ្ឋបាលរាជធានី-ខេត្តទាំង ២៥ និងអង្គភាពថវិកាអាណាប័កផ្ទេរសិទ្ធិបន្ថែមថ្មី • បានពង្រីកការដាក់ឱ្យប្រើប្រាស់សាកល្បងមុខងារថ្មីចំនួន២ គឺ មុខងាររៀបចំផែនការថវិកា និង មុខងារលទ្ធកម្មពេញលេញ នៅក្រសួងសេដ្ឋកិច្ចនិងហិរញ្ញវត្ថុ និង ក្រសួងកិច្ចការនារី ព្រមទាំងមុខងារលទ្ធកម្មពេញលេញនៅក្រសួងព័ត៌មាន • បានដាក់ឱ្យដំណើរការសន្ធានកម្មរវាងប្រព័ន្ធ FMIS និង ប្រព័ន្ធបៀវត្សមន្ត្រីរាជការស៊ីវិលរបស់ក្រសួងមុខងារសាធារណៈ • បានពង្រីកការអនុវត្តនីតិវិធីថ្មីសម្រាប់ការចំណាយទូទាត់ត្រង់ដែលមានហានិភ័យទាប នៅក្រសួងចំនួន ៧ រួមមាន៖ ក្រសួងកសិកម្ម រុក្ខាប្រមាញ់ […]

READ MORE

25

Jun, 2021

កិច្ចប្រជុំផ្ទៃក្នុងដើម្បីពិនិត្យ ពិភាក្សាលើសេចក្ដីព្រាងឯកសារទស្សនាទានស្ដីពី គុណវុឌ្ឍិមន្ត្រីគ្រប់គ្រងហិរញ្ញវត្ថុសាធារណៈ

By: | Tags: | Comments: 0

អនុវត្តតាមការសម្រេចរបស់គណៈកម្មាធិការដឹកនាំការងារកែទម្រង់ការគ្រប់គ្រងហិរញ្ញវត្ថុសាធារណៈ លើការរៀបចំកម្មវិធីសិក្សាភ្ជាប់វិញ្ញាបនបត្រ (Certificate Program) ដោយផ្សារភ្ជាប់មុខដំណែងឱ្យបានគ្រប់ជ្រុងជ្រោយ, នាព្រឹកថ្ងៃទី ២៥ ខែ មិថុនា ឆ្នាំ ២០២១ តាមរយៈប្រព័ន្ធ Video Conference ដោយប្រើប្រាស់កម្មវិធី Zoom លោក ម៉ៅ បូរាណ នាយករងវិទ្យាស្ថាន និង ជាប្រធានក្រុមការងារកែទម្រង់ការគ្រប់គ្រងហិរញ្ញវត្ថុសាធារណៈ របស់វិទ្យាស្ថានសេដ្ឋកិច្ច និង ហិរញ្ញវត្ថុ បានដឹកនាំកិច្ចប្រជុំផ្ទៃក្នុងដើម្បីពិនិត្យ ពិភាក្សាលើសេចក្ដីព្រាងឯកសារទស្សនាទានស្ដីពី គុណវុឌ្ឍិមន្ត្រីគ្រប់គ្រងហិរញ្ញវត្ថុសាធារណៈ ដោយមានការចូលរួមពី លោកប្រធាននាយកដ្ឋាន លោកអនុប្រធាននាយកដ្ឋាន និង សហការីពាក់ព័ន្ធ ។

READ MORE

23

Jun, 2021

កិច្ចប្រជុំស្តីពីការរៀបចំការប្រឡងប្រជែងជ្រើសរើសបេក្ខជនជាមន្ត្រីរាជការឱ្យចូលបម្រើការងារនៅអគ្គនាយកដ្ឋានគយនិងរដ្ឋាករកម្ពុជា

By: | Tags: | Comments: 0

នារសៀលថ្ងៃទី ២៣ ខែ មិថុនា ឆ្នាំ ២០២១, តាមរយៈប្រព័ន្ធសន្និសិទវីដេអូ, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ និងជាប្រធានគណៈកម្មការរៀបចំការប្រឡងប្រជែងជ្រើសរើសបេក្ខជនជាមន្រ្តីរាជការឱ្យចូលបម្រើការងារ នៅអគ្គនាយកដ្ឋានគយនិងរដ្ឋាករកម្ពុជា នៃក្រសួងសេដ្ឋកិច្ចនិងហិរញ្ញវត្ថុ បានសម្របសម្រួលដឹកនាំកិច្ចប្រជុំស្តីពីការរៀបចំការប្រឡងប្រជែងជ្រើសរើសបេក្ខជនជាមន្ត្រីរាជការឱ្យចូលបម្រើការងារនៅអគ្គនាយកដ្ឋានគយនិងរដ្ឋាករកម្ពុជា ។ កិច្ចប្រជុំដ៏មានសារសំខាន់នេះ មានការអញ្ជើញចូលរួមពីឯកឧត្តម យក់ ប៊ុនណា រដ្ឋលេខាធិការប្រចាំការនៃក្រសួងមុខងារសាធារណៈ, តំណាងអង្គភាពប្រឆាំងអំពើពុករលួយ, ឯកឧត្តមអគ្គលេខាធិការ, ឯកឧត្តមនាយកវិទ្យាស្ថានសេដ្ឋកិច្ចនិង ហិរញ្ញវត្ថុ, អគ្គលេខាធិការរង, អគ្គនាយករងនៃអគ្គនាយកដ្ឋានគយនិងរដ្ឋាករកម្ពុជា, ប្រធាននាយកដ្ឋានបុគ្គលិក, និង ឯកឧត្តម លោកជំទាវ លោក លោកស្រី សមាជិក-សមាជិកាគណៈកម្មការ ព្រមទាំងមន្រ្តីជំនាញពាក់ព័ន្ធ ។ គោលបំណងសំខាន់នៃកិច្ចប្រជុំនេះ គឺដើម្បីពិនិត្យពិភាក្សាអំពីការបន្តរៀបចំនីតិវិធីនៃការប្រឡងប្រជែងឱ្យកាន់តែមានភាពគ្រប់ជ្រុងជ្រោយ និង ការកំណត់លក្ខខណ្ឌចាំបាច់របស់បេក្ខជន ព្រមទាំងពិភាក្សាអំពីការបង្កើតអនុគណៈកម្មការនានា តាមការចាំបាច់ សំដៅធានាបាននូវដំណើរការប្រឡងប្រជែងប្រកបដោយតម្លាភាព ប្រសិទ្ធភាព និង យុត្តិធម៌ ក្នុងគោលដៅជ្រើសរើសបាននូវបេក្ខជនជាមន្រ្តីរាជការដែលមានសមត្ថភាពដើម្បីបំពេញភារកិច្ចនិងផ្តល់សេវាសាធារណៈរបស់អគ្គនាយកដ្ឋានគយនិងរដ្ឋាករកម្ពុជា ៕

READ MORE

22

Jun, 2021

កិច្ចប្រជុំផ្ទៃក្នុងស្ដីពី ការរៀបចំផែនការសកម្មភាពស្ដីពីការកសាង និង អភិវឌ្ឍសមត្ថភាព សម្រាប់ការគ្រប់គ្រងការវិនិយោគសាធារណៈ

By: | Tags: | Comments: 0

ស្របតាមផែនការសកម្មភាព នៃយុទ្ធសាស្ត្រស្ដីពី ការកែទម្រង់ប្រព័ន្ធគ្រប់គ្រងការវិនិយោគសាធារណៈ ២០១៩-២០២៥, នារសៀលថ្ងៃទី ២២ ខែ មិថុនា ឆ្នាំ ២០២១ តាមរយៈប្រព័ន្ធ Video Conference ដោយប្រើប្រាស់កម្មវិធី Zoom វិទ្យាស្ថានសេដ្ឋកិច្ច និង ហិរញ្ញវត្ថុ បានរៀបចំកិច្ចប្រជុំផ្ទៃក្នុងស្ដីពី ការរៀបចំផែនការសកម្មភាពស្ដីពីការកសាង និង អភិវឌ្ឍសមត្ថភាព សម្រាប់ការគ្រប់គ្រងការវិនិយោគសាធារណៈ ។ កិច្ចប្រជុំនេះ ដឹកនាំដោយ លោក ម៉ៅ បូរាណ នាយករងវិទ្យាស្ថាន និងជាប្រធានគម្រោងកម្មវិធីកែទម្រង់ការគ្រប់គ្រងហិរញ្ញវត្ថុ នៃវិទ្យាស្ថាន និងជាប្រធានក្រុមការងាររៀបចំផែនការសកម្មភាពស្ដីពីការកសាង និង អភិវឌ្ឍសមត្ថភាព សម្រាប់ការគ្រប់គ្រងការវិនិយោគសាធារណៈ ២០២១-២០២៥ របស់វិទ្យាស្ថាន និងមានការចូលរួមពី លោកប្រធាននាយកដ្ឋាន លោកអនុប្រធាននាយកដ្ឋាន និងសហការី ដែលជាសមាជិក នៃក្រុមការងារ ដោយផ្ដោតលើរបៀបវារៈ ចំនួន ៣ គឺ ១). ការពិនិត្យ និង ផ្ដល់យោបល់លើសេចក្ដីព្រាងមាតិកា នៃផែនការសកម្មភាព ២). ការពិនិត្យ និង ផ្ដល់យោបល់លើផែនការសកម្មភាពលម្អិត សម្រាប់រៀបចំផែនការសកម្មភាពកសាង និង អភិវឌ្ឍសមត្ថភាព​ ៣). បំណែកចែកក្រុមការងារ សម្រាប់ទទួលបន្ទុកលើរៀបចំ ។

READ MORE

15

Jun, 2021

សិក្ខាសាលាពិគ្រោះយោបល់ស្ដីពី “ការធ្វើបច្ចុប្បន្នកម្ម កម្មវិធីសិក្សា និង ឯកសារបង្រៀន សម្រាប់វគ្គបណ្តុះបណ្តាលស្តីពី ជំនាញបច្ចេកទេសលើការគ្រប់គ្រងហិរញ្ញវត្ថុសាធារណៈ ឆ្នាំ ២០២១”

By: | Tags: | Comments: 0

នាព្រឹកថ្ងៃ អង្គារ ៦ កើត ខែ បឋមាសាឍ ឆ្នាំ ឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី ១៥ ខែ មិថុនា ឆ្នាំ ២០២១, តាមរយៈ Video Conference ដោយប្រើកម្មវិធី Zoom, វិទ្យាស្ថានសេដ្ឋកិច្ចនិងហិរញ្ញវត្ថុ នៃក្រសួងសេដ្ឋកិច្ច និង ហិរញ្ញវត្ថុ រៀបចំសិក្ខាសាលាពិគ្រោះយោបល់ស្ដីពី “ការធ្វើបច្ចុប្បន្នកម្ម កម្មវិធីសិក្សា និង ឯកសារបង្រៀន សម្រាប់វគ្គបណ្តុះបណ្តាលស្តីពី ជំនាញបច្ចេកទេសលើការគ្រប់គ្រងហិរញ្ញវត្ថុសាធារណៈ ឆ្នាំ ២០២១” ដែលបានប្រព្រឹត្តទៅក្រោមការដឹកនាំដ៏ខ្ពង់ខ្ពស់របស់ ឯកឧត្តម អិន អេម នាយកវិទ្យាស្ថានសេដ្ឋកិច្ចនិងហិរញ្ញវត្ថុ និង មានការចូលរួមពី នាយករង ប្រធាននាយកដ្ឋាន នៃវិទ្យាស្ថានសេដ្ឋកិច្ច និង ហិរញ្ញវត្ថុ និង គ្រូបង្គោលរបស់វិទ្យាស្ថានសេដ្ឋកិច្ច និង ហិរញ្ញវត្ថុ និង អគ្គនាយកដ្ឋានពាក់ព័ន្ធ នៃក្រសួងសេដ្ឋកិច្ចនិងហិរញ្ញវត្ថុ ចំនួន ៤៥ នាក់ ។ សិក្ខាសាលាពិគ្រោះយោបល់នេះ មានគោលបំណង ដើម្បីពង្រឹងពង្រីកសមត្ថភាពក្នុងការរៀបចំ ឯកសារបង្រៀន កម្មវិធី និង វិធីសាស្ត្របង្រៀន លើមុខវិជ្ជាថវិកា, គណនេយ្យសាធារណៈ, លទ្ធកម្មសាធារណៈ, ការគ្រប់គ្រងបញ្ជីសារពើភ័ណ្ឌទ្រព្យសម្បត្តិរដ្ឋ និង ចំណូលមិនមែនពន្ធ, សេដ្ឋកិច្ច និង ហិរញ្ញវត្ថុ, ស្ថិតិហិរញ្ញវត្ថុរដ្ឋាភិបាល និងសិល្បៈនៃការប្រាស្រ័យទាក់ទង សម្រាប់គាំទ្រការរៀបចំវគ្គបណ្ដុះបណ្ដាលស្ដីពីជំនាញបច្ចេកទេស លើការគ្រប់គ្រងហិរញ្ញវត្ថុសាធារណៈ ឆ្នាំ ២០២១ ជូនមន្ត្រីរាជការនៃក្រសួងសេដ្ឋកិច្ច និង ហិរញ្ញវត្ថុ និង ក្រសួង ស្ថាប័ន ។

READ MORE

11

Jun, 2021

ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS បានអនុញ្ញាតឱ្យលោក Javier Castillo Alvarez តំណាងសហភាពអឺរ៉ុបប្រចាំកម្ពុជា ចូលជួបជម្រាបលាតាមរយៈប្រព័ន្ធសន្និសីទវីដេអូ មុនពេលដែលលោកត្រូវបញ្ចប់បេសកកម្មនៅព្រះរាជាណាចក្រកម្ពុជា នាពាក់កណ្តាលខែ មិថុនា ឆ្នាំ ២០២១ នេះ

By: | Tags: | Comments: 0

នារសៀលថ្ងៃទី ១០ ខែ មិថុនា ឆ្នាំ ២០២១, ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាប្រធានក្រុមការងារគ្រប់គ្រងគម្រោង FMIS បានអនុញ្ញាតឱ្យលោក Javier Castillo Alvarez តំណាងសហភាពអឺរ៉ុបប្រចាំកម្ពុជា ចូលជួបជម្រាបលាតាមរយៈប្រព័ន្ធសន្និសីទវីដេអូ មុនពេលដែលលោកត្រូវបញ្ចប់បេសកកម្មនៅព្រះរាជាណាចក្រកម្ពុជា នាពាក់កណ្តាលខែ មិថុនា ឆ្នាំ ២០២១ នេះ ។ ជំនួបលាគ្នានេះ មានការចូលរួមពីឯកឧត្តមអគ្គលេខាធិការរង និងជាអនុប្រធានប្រចាំការក្រុមការងារគ្រប់គ្រងគម្រោង FMIS, មន្រ្តីជំនាញជាន់ខ្ពស់របស់ធនាគារពិភពលោកប្រចាំកម្ពុជា និង លេខាធិការដ្ឋានក្រុមការងារគ្រប់គ្រងគម្រោង FMIS ជាច្រើនរូប ។ ឯកឧត្តមបណ្ឌិតសភាចារ្យ ហ៊ាន សាហ៊ីប បានថ្លែងអំណរគុណដល់សហភាពអឺរ៉ុប និង បណ្ដាដៃគូអភិវឌ្ឍន៍ ជាពិសេស លោក Javier Castillo Alvarez ដែលបានគាំទ្រដល់កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដែលក្នុងនោះ លោកបានចូលរួមគាំទ្រ, ផ្តល់យោបល់ប្រឹក្សា និង ផ្តល់ការយកចិត្តទុកដាក់ខ្ពស់ដល់ការអនុវត្តគម្រោង FMIS តាំងពីជំហានទី១ ក្នុងឆ្នាំ ២០១៥ មកដល់ពេលបច្ចុប្បន្ននៅក្នុងគម្រោងជំហានទី៣ ។ លោកតំណាងសហភាពអឺរ៉ុបប្រចាំកម្ពុជាដែលចប់បេសកកម្ម បានសម្តែងអំណរសាទរចំពោះឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និង ឯកឧត្តមបណ្ឌិតសភាចារ្យ ហ៊ាន សាហ៊ីប ដែលបានដឹកនាំការអនុវត្តគម្រោង FMIS ទទួលបានជោគជ័យ និង សម្រេចបានសមិទ្ធផលជាច្រើនក្នុងការអនុវត្តកន្លងមក លើកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈសម្រាប់កម្ពុជា ដោយមានការចូលរួមពីក្រុមការងារជាធនធានមនុស្ស ដែលពោរពេញដោយសមត្ថភាពខ្ពស់, ចំរុះផ្នែក និង មានជំនាញវិជ្ជាជីវៈខ្ពស់ក្នុងការបំពេញការងារប្រកបដោយការយកចិត្តទុកដាក់ និង ការទទួលខុសត្រូវខ្ពស់ ។ លោកជឿជាក់យ៉ាងមុតមាំថា បេក្ខភាពតំណាងសហភាពអឺរ៉ុបដែលនឹងមកបន្តការងារលោក នឹងនៅតែបន្តកិច្ចសហការ និង គាំទ្រដល់ការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ និង គម្រោង FMIS […]

READ MORE