ថ្ងៃទី១៤ ខែមីនា ឆ្នាំ២០២៥, វិទ្យាស្ថានសេដ្ឋកិច្ចនិងហិរញ្ញវត្ថុ បាននិងកំពុងអនុវត្តការបណ្ដុះបណ្ដាលជំនាញបច្ចេក ទេស​កម្រិត​វិញ្ញាបនបត្រផ្សារភ្ជាប់មុខ តំណែង ឆ្នាំ២០២៥ កម្រិតទី២ និងកម្រិតទី៣ ជូនមន្ត្រីអនុវត្តការងារហិរញ្ញវត្ថុរបស់ ក្រសួងស្ថាប័ន នៅ​ថ្នាក់ជាតិ លើមុខវិជ្ជាបច្ចេកទេសរួមមាន៖ ការរៀបចំថវិកាសមិទ្ធកម្ម, ការរៀបចំថវិកា, ការគ្រប់គ្រងទិន្នន័យបញ្ជីសារពើភណ្ឌតាមប្រព័ន្ធ SARMIS, និង នីតិវិធីនៃការគ្រប់គ្រងរជ្ជទេយ្យបុរេប្រទាន ។
កម្មវិធីបណ្តុះ​បណ្តាលនេះ​មានគោល បំណងរួមចំណែក​សាង «គុណវុឌ្ឍិវិជ្ជាជីវៈជំនាញ​ហិរញ្ញវត្ថុសាធារណៈ» សម្រាប់គាំទ្រនិងអនុវត្តការកែទម្រង់ការគ្រង​ហិរញ្ញវត្ថុ​សាធារណៈ ដំណាក់កាលទី៤ ។
គួររម្លឹកថា «កម្មវិធីបណ្ដុះបណ្ដាលជំនាញបច្ចេកទេសកម្រិតវិញ្ញាបនបត្រផ្សារភ្ជាប់មុខតំណែងឆ្នាំ២០២៥» មានការចូលរៀនចំនួន ៤ លើក សម្រាប់សិក្ខាកាមសរុបចំនួន ៧៨០នាក់។ ការចូលរៀនលើកទី១ ចាប់ពីថ្ងៃទី១០ ខែកុម្ភៈ ឆ្នាំ២០២៥ នឹងគ្រោងបញ្ចប់ នៅថ្ងៃទី៣១ ខែមីនា ឆ្នាំ២០២៥ ។