នាព្រឹកថ្ងៃ ១៣ រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៦ ខែមីនា ឆ្នាំ២០២៥ តាមរយៈប្រព័ន្ធវីដេអូ​ Zoom Conference, ឯកឧត្តមនាយកវិទ្យាស្ថានសេដ្ឋកិច្ច​និង​ហិរញ្ញវត្ថុ បានដឹកនាំក្រុមការងារ រួមមានលោកស្រីនាយករងទទួលបន្ទុកការងារបុគ្គលិក រដ្ឋបាល ហិរញ្ញវត្ថុ, លោកប្រធាននាយកដ្ឋានបុគ្គលិក រដ្ឋបាលនិងហិរញ្ញវត្ថុ, លោកប្រធាននាយកដ្ឋានបណ្ដុះបណ្ដាលនិងវិក្រឹតការ, និង​សហការី​ពាក់ព័ន្ធ​ ចូលរួមកិច្ចប្រជុំជាមួយលោក​ Ramanathan Somasundaram ជំនាញការបច្ចេកទេសខាងលទ្ធកម្មសាធារណៈ តំណាង​ធនាគារអភិវឌ្ឍអាស៊ី​ (ADB) និងមានការចូលរួមផងដែរពីតំណាងអគ្គលេខាធិការដ្ឋានគណៈ​កម្មាធិការដឹកនាំ​ការងារកែទម្រង់​ការគ្រប់គ្រង​ហិរញ្ញវត្ថុសាធារណៈ (អ.គ.ហ.) ។ កិច្ចប្រជុំនេះ ប្រព្រឹត្តទៅក្នុងគោលបំណង ដេីម្បីពិភាក្សា និង ​ស្វែងយល់ពីសមិទ្ធិលទ្ធភាព​​សម្រាប់​ឈាន​ទៅ​រៀបចំ​​ និង អនុវត្តកម្មវិធីបណ្ដុះបណ្តាលលើជំនាញចំាបាច់សម្រាប់អនុវត្ត​ «កិច្ចលទ្ធកម្មតាមប្រព័ន្ធអេឡិចត្រូនិច​ (e-GP System) »​ជូនដល់​សិក្ខាកាមគោលដៅជា​មន្រ្តីក្រុមលទ្ធកម្ម នៃអង្គភាពថវិការបស់ក្រសួងស្ថាប័ន និង រដ្ឋបាលថ្នាក់​ក្រោម​ជាតិ សំដៅរួមចំណែកក្នុងការគាំទ្រ និងអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដំណា់ក់កាលទី៤ របស់រាជរដ្ឋាភិបាល​ ។