នៅថ្ងៃអង្គារ ១២ រោច ខែផល្គុន ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៥ ខែមីនា ឆ្នាំ២០២៥ នេះ វគ្គបណ្ដុះបណ្ដាល «ជំនាញបច្ចេកទេស​កម្រិត​វិញ្ញាបនបត្រផ្សារភ្ជាប់មុខតំណែង ឆ្នាំ២០២៥» កម្រិតទី២ និងកម្រិតទី៣ សម្រាប់មន្ត្រីអនុវត្តការងារ​ហិរញ្ញវត្ថុ​របស់ក្រសួងស្ថាប័ន នៅ​ថ្នាក់ជាតិ បាននិងកំពុងបន្តដំណើរការលើមុខវិជ្ជាចំនួន ៦ ដែល​រួមមាន៖ ការគ្រប់គ្រងចំណូលមិនមែនសារពើពន្ធ, ខួបគណនេយ្យ, ការរៀបចំថវិកា, ការគ្រប់គ្រងទិន្នន័យបញ្ជីសារពើភណ្ឌតាមប្រព័ន្ធ SARMIS, លទ្ធកម្មសាធារណៈ, និង ស្តង់ដាគណនេយ្យ​ទ្រព្យ​សកម្ម ។ កម្មវិធីបណ្តុះ​បណ្តាលនេះ​គឺដើម្បីរួមចំណែកកសាង «គុណវុឌ្ឍិវិជ្ជាជីវៈជំនាញ​ហិរញ្ញវត្ថុសាធារណៈ» សម្រាប់គាំទ្រ​និង​អនុវត្ត​ការកែទម្រង់ការគ្រង​ហិរញ្ញវត្ថុ​សាធារណៈ ដំណាក់កាលទី៤ ប្រកបដោយប្រសិទ្ធភាព និង ចីរភាព ។ គួររម្លឹកថា «កម្មវិធីបណ្ដុះបណ្ដាលជំនាញបច្ចេកទេសកម្រិតវិញ្ញាបនបត្រផ្សារភ្ជាប់មុខតំណែងឆ្នាំ២០២៥» មានការចូលរៀនចំនួន ៤ លើក សម្រាប់សិក្ខាកាមសរុបចំនួន ៧៨០នាក់។ ការចូលរៀនលើកទី១ ចាប់ពីថ្ងៃទី១០ ខែកុម្ភៈ ឆ្នាំ២០២៥ នឹងគ្រោងបញ្ចប់ នៅថ្ងៃទី៣១ ខែមីនា ឆ្នាំ២០២៥ ។